Суд над "Нашай Нівай" адклалі да 18 траўня
У Вярхоўным гаспадарчым судзе адбыўся папярэдні разгляд справы па закрыцці "Нашай Нівы". Суд вырашана адкласці да разгляду скаргі на трэцяе папярэджанне.
Як паведамляе nn.by, суддзя Курыла задаволіў хадайніцтва адказчыка пра перанос разгляду.
Такім чынам, працэс закрыцця газеты, ініцыяваны Міністэрствам інфармацыі, зацягваецца. Аднак пакуль няма прыкметаў таго, што ўлада памяняе сваё рашэнне пра закрыццё выдання.
