Помнік ахвярам тэракту на “Кастрычніцкай” прафінансуе мінскі бюджэт
Сродкі з дабрачынных рахункаў Мінгарвыканкама складуць толькі малую частку, а не ўсе выдаткі на мемарыяльны знак.
Раней паведамлялася, што мемарыяльны знак будзе цалкам створаны “за кошт ахвяраванняў, якія паступілі на дабрачынныя рахункі Мінгарвыканкама”.
“Стварэнне памятнага знака ахвярам выбуху будзе фінансавацца з дабрачынных ахвяраванняў толькі часткова, — распавялі Еўрарадыё ў камісіі для выплаты матэрыяльнай дапамогі асобам, якія пацярпелі ад выбуху на станцыі метро “Кастрычніцкая”. — Сродкі будуць выдаткаваныя таксама з рэзервовага фонда Мінгарвыканкама”.
Помнік паўстане ля ўваходу на станцыю “Кастрычніцкая” з праспекта Незалежнасці — дзе зараз месціцца мемарыяльная шыльда. Усталяваць яго плануецца ў красавіку 2012 года, да гадавіны з дня тэракту.
