Пералік рэчаў, якія арыштаваныя могуць мець пры сабе і захоўваць у камеры

Пералік і колькасць прадметаў першай неабходнасці, абутку, вопраткі, якія адміністрацыйна арыштаваныя і адміністрацыйна затрыманыя могуць мець пры сабе і захоўваць у камеры (зацверджаны пастановай МУС Беларусі № 194 ад 8 жніўня 2007 года).

Адміністрацыйна арыштаваныя і адміністрацыйна затрыманыя могуць мець пры сабе і захоўваць у камеры:

тытунёвыя вырабы, запалкі;

вопратку ў адным камплекце без паясных рамянёў, падцяжак і гальштукаў, а таксама галаўны ўбор, абутак паводле сезону (без супінатараў, металічных набоек);

спартыўны касцюм у адным камплекце ці хатні халат;

нацельная бялізна — не больш за адзін камплект;

шкарпэткі, панчохі ці калготкі — не больш за дзве пары;

пальчаткі і рукавіцы — адну пару;

тапачкі пакаёвыя ці спартовыя — адну пару;

туалетныя прыналежнасці (туалетнае, гаспадарчае мыла, вадкае мыла ці шампуні, зубная шчотка, зубная паста, пластмасавыя футляры для мыла і зубной шчоткі, крэмы, грэбень, расчоска, рушнік, насоўкі, мачалку ці губку, туалетную паперу);

рэчавы мех ці сумку;

акуляры і футляры пластмасавыя для акуляраў;

хусткі, рэйтузы, паясы, бюстгальтары, марлю, заколкі, вазелін, вату, гігіенічныя тампоны, касметычныя прыналежнасці, бігудзі пластмасавыя (для жанчын);

мыліцы, драўляныя палкі, пратэзы (з дазволу лекара);

прадметы рэлігійнага культа для нацельнага ці кішэннага нашэння, вырабленыя з некаштоўных металаў;

пісьмовыя прыналежнасці, літаратуру, газеты і часопісы;

лекавыя прэпараты паводле прызначэння медыцынскага працаўніка.

Прадметы і рэчы, не прадугледжаныя гэтым пералікам, з'яўляюцца забароненымі.