На беларуска-літоўскай мяжы Віктара Карняенку прымусілі зняць вопратку
Адзін з каардынатараў кампаніі "За справядлівыя выбары" ўвечары ў аўторак вяртаўся з Вільні на аўтамабілі.
Як паведамляе сайт camarade.biz, на памежным пераходзе "Каменны Лог" у Карняенкі забралі ключы ад машыны і загадалі чакаць. Аўтамабіль быў дасканала агледжаны, асабісты дагляд чакаў і грамадскага дзеяча.
Як распавёў Карняенка, яго прымусілі зняць вопратку і абшукалі. "У выніку нічога не знайшлі і прыкладна а другой гадзіне начы мяне прапусцілі праз мяжу", — цытуе словы грамадскага дзеяча БелаПАН.
Фота — bymedia.net
