Лукашэнка шкадуе лесбіянак, але не ўспрымае гомасэксуалістаў
У інтэрв'ю брытанскай газеце "Індэпендэнт" кіраўнік Беларусі выказаў сваё меркаванне пра аднаполыя шлюбы.
Тэлеверсія інтэрв'ю была паказаная ўвечары 24 кастрычніка ў эфіры канала "Беларусь 1". Цытаты з відэаінтэрв'ю пераказвае БелаПАН.
На думку Аляксандра Лукашэнкі, натуральныя адносіны могуць быць толькі паміж мужчынам і жанчынай. "Ствараюцца сем'і, а галоўная мэта стварэння сям'і — гэта нараджэнне дзяцей", — растлумачыў кіраўнік Беларусі.
Лесбіянак ён пашкадаваў. Лукашэнка лічыць, што віна ў лесбіянстве палягае на мужчынах: яны, маўляў, апынуліся няздольнымі, таму жанчыны пачалі шукаць жанчын. "Таму я са шкадаваннем успрымаю гэтае лесбіянства. Гэта дрэнна, але я не асуджаю", — заявіў беларускі лідар.
А вось аднаполыя адносіны паміж мужчынамі Лукашэнка не ўспрымае. Ён лічыць такія адносіны ненармальнымі.
Фота — indeutschland.ru
