Чаму за курэнне ў пад’ездах амаль ніколі не штрафуюць?

Мінчан, якія не прыбіраюць снег вакол сваіх машын, могуць аштрафаваць нават на 700 тысяч рублёў.

“Ёсць правілы добраўпарадкавання і ўтрымання горада Мінска, – расказвае начальнік аднаго са сталічных ЖЭСаў. – Пункт 13 гаворыць, што павінны прыбіраць аўтамашыну ў выпадку яе паркоўкі на ўнутрыдваравых праездах і метр вакол яе. Па перыметры. І невыкананне гэтага правіла з’яўляецца парушэннем адміністрацыйнага кодэксу”.

Заснежаных машын ў дварах – процьма. Цяжка ўявіць, што ўсе іх гаспадары спраўна плацяць штрафы ў бюджэт горада. Насамрэч, яны робяць гэта вельмі рэдка. Толькі ў адным з сямі выпадкаў і тое па мінімуму – усяго адну базавую. А максімальнае пакаранне за непрыбраны ля машыны снег – 700 тысяч.

“З 14 складзеных у мінулым годзе пратаколаў адміністрацыйных суд, гэта было ў самым пачатку зімы, аштрафаваў толькі дваіх. І сумы былі – 35 тысяч рублёў”, – расказваюць у ЖЭСе.

120126 Pikecki 6trafy.mp3

Прычына – недавер судоў камунальнікам. Маўляў, доказаў віны аўтаўладальнікаў няма. У ЖЭСах нават не могуць сказаць, што трэба зрабіць, каб суддзі ім паверылі. Справа ў тым, што штрафуюць збольшага па пратаколах, складзеных міліцыяй, а не супрацоўнікамі ЖЭСу.

“Доказная база слабая. Фотаздымак аўтамашыны, прыпаркаванай і засыпанай снегам. Мы чысцілі нумар і фатаграфавалі на фоне дома. Недастатковая доказная база – мала сабрана доказаў. Пазіцыя суда вельмі цікавая ў гэтым плане. Я не ведаю, што ім трэба”.

“Доказная база слабая. Фотаздымак аўтамашыны, прыпаркаванай і засыпанай снегам. Мы чысцілі нумар і фатаграфавалі на фоне дома. Недастатковая доказная база – мала сабрана доказаў. Пазіцыя суда вельмі цікавая ў гэтым плане. Я не ведаю, што ім трэба”.

Дарэчы, снег і смецце ля машын – не адзіная прычына, па якой на вас могуць скласці пратакол жэсаўцы. Парушэнняў мноства. Ад перапланіровак да няправільнага выгулу сабак. А таксама палення ў пад’ездах, не кажучы ўжо пра піццё там гарэлкі.

“За перапланіроўкі. Вельмі шмат пазіцый. За антысанітарыю і гэтак далей. Найбольш часта – шумы. Людзі шумяць ноччу і замінаюць адпачываць суседзям… У асноўным, за гэта не штрафуюць таксама. Вельмі рэдка штрафуюць”.

Яшчэ радзей, чым за крыкі і гучную музыку ўначы, штрафуюць за паленне ў пад’ездах. Памер штрафу за яго можа дасягаць нават 140 тысяч рублёў. Але ў канцылярыі суда Завадскога раёна Мінска Еўрарадыё прызналіся, што такіх спраў у іх яшчэ не было.

“У нас такіх яшчэ не было. Па музыцы гучнай – былі. А па паленні не было”.

За гучную музыку, дарэчы, можна атрымаць штраф ад 70 да 700 тысяч. Прычым разбіраюцца з шумнымі кампаніямі ўжо некалькі гадоў не міліцыянеры, а самі камунальнікі. Прычына іх бяссілля перад парушальнікамі ляжыць на паверхні. Суды патрабуюць ад іх правільна складзеных пратаколаў. А складаць пратаколы правільна яны не могуць… па закону! Бо супрацоўнікі ЖЭСа проста не маюць права патрабаваць у жыхароў паказваць ім пашпарты. А без пашпартных звестак пратакол – не пратакол.

“Разумееце, што больш за ўсё замінае? Правілы складання адміністрацыйных пратаколаў. Мы павінны ўнесці пашпартныя дадзеныя чалавека, на якога складаецца адміністратыўны пратакол. І ўзяць у яго подпіс у гэтым жа пратаколе. Як вы думаеце, шмат жадаючых падпісваць самім сабе прыгавор і паказваць нам пашпарт?”.

Адзінае парушэнне, за якое штрафуюць дастаткова часта і ахвотна –піццё піва і гарэлкі ля пад’ездаў. За гэта пратаколы складаюць міліцыянеры. А ім адмовіць у просьбе паказаць пашпарт нашмат складаней. За мінулы год толькі суд Завадскога раёна аштрафаваў амаль тысячу чалавек. Мінімальны і самы часты штраф – 70 тысяч. Калі нехта сваёй віны не прызнае – заплаціць 105.

Штрафы: Снег ля машыны – ад 35 да 700 тысяч. Гучная музыка і шум уначы – ад 70 да 700 тысяч. Паленне ў пад’ездах – ад 35 да 140 тысяч. Распіццё спіртных напояў – 70-105 тысяч.