Адкіды Глыбоцкага малаказавода атруцілі рыбу ў рацэ
На ўчастку ракі працягласцю 5 км выяўленыя 674 загінулыя рыбіны розных відаў.
Глыбоцкая інспекцыя аховы жывёльнага і расліннага свету даведалася пра масавую гібель рыбы ў рэчцы Дабрылоўка Глыбоцкага раёна на пачатку чэрвеня.
Вінаватым называюць цэх па перапрацоўцы малака ў вёсцы Запруддзе Глыбоцкага раёна. Ён належыць Глыбоцкай птушкафабрыцы. Меркаванай прычынай гібелі рыбы стала скідванне неачышчаных водаў і адкідаў вытворчасці сыру.
З нагоды інцыдэнту вядзецца разбіральніцтва, паведамляюць "Народныя навіны Віцебска".
