Расійскія ўдзельнікі вайны супраць Украіны будуць лячыцца ў санаторыях РБ

У беларускіх санаторыях будуць лячыць расійскіх вайскоўцаў, якія ўдзельнічаюць у вайне супраць Украіны. Пра стварэнне "пастаяннай праграмы рэабілітацыі байцоў СВА" (так у РФ называюць шырокамаштабную агрэсію супраць Украіны) дамовіліся ўлады Беларусі і Ленінградскай вобласці Расіі.

Дамоўленасць была дасягнутая падчас візіту ў Беларусь дырэктара Усевалажскага мультыцэнтра сацыяльнай і працоўнай інтэграцыі Ірыны Драздзенка, заўважыла выданне "Позірк". Яна наведвала санаторыі Мінскай вобласці, каб даведацца пра "іх магчымасцямі ў сферы лячэння, аднаўлення і аздараўлення ўдзельнікаў "спецаперацыі" з Ленінградскай вобласці, а таксама іх сем’яў".

Аналагічныя перамовы Драздзенка правяла з кіраўніцтвам Магілёўскага аблвыканкама.

Па выніках перамоваў было вырашана, што ў Ленінградскай вобласці распрацуюць і перададуць беларускаму боку "ўмовы і патрабаванні для запуску пастаяннай праграмы рэабілітацыі".

Штогод у рамках гэтай праграмы плануецца адпраўляць на лячэнне і рэабілітацыю не менш за 800 чалавек. Ініцыятыву, як паведамляецца, ухваліў першы віцэ-прэм’ер Беларусі Мікалай Снапкоў.