Расійскі клуб прынёс прабачэнні мінскаму "Дынама" за выкананне гімна БССР
Кур'ёзная сітуацыя здарылася 8 верасня ў Санкт-Пецярбургу перад пачаткам матча чэмпіянату Кантынентальнай хакейнай лігі.
Хакеісты СКА і мінскага "Дынама" выйшлі на традыцыйнае праслухоўванне гімнаў. І ў гэты момант работнікі арэны ўключылі гімн БССР замест гімна суверэннай Беларусі. Беларускія хакеісты і заўзятары былі здзіўленыя, пачуўшы словы пра Леніна і партыю.
Як паведамляе "Прессбол", ХК СКА прынёс публічныя прабачэнні мінскаму "Дынама" за той інцыдэнт. Ён адзначыў, што такое "непаразуменне" з выкананнем "неактуальнай версіі гімна" здарылася ў іх упершыню.
