Праводзіцца грашовы збор у падтрымку сям'і палітвязня Паўла Белавуса
Павел Белавус / sb.by
BYSOL ініцыяваў грашовы збор у падтрымку сям'і палітвязня Паўла Белавуса. 11 траўня ў Мінску стваральніку Symbal.by прысудзілі 13 гадоў калоніі ўзмоцненага рэжыму. На волі ў Паўла засталася жонка Кацярына і двое маленькіх дзяцей.
Як піша Святлана Ціханоўская, пасля прысуду "могуць апісаць і канфіскаваць абсалютна ўсё ў доме — ад кававаркі да мікрахвалёўкі". Яна заклікала падтрымаць Паўла Белавуса і яго сям’ю.
BYSOL заявіў збор 15 тысяч еўра — на аплату працы адвакатаў, а таксама на набыццё неабходных для жыцця рэчаў, пакрыццё бытавых выдаткаў. Грошы былі сабраныя менш чым за суткі.
bysol.org
