Пра ВКЛ 2.0, літвінізм, здраднікаў беларушчыны і “Кніжны магістрат” — эфір

Чым даўжэй мы знаходзімся ў эміграцыі, тым больш актуальнымі робяцца пытанні пра тое, як беларусам захаваць сябе. Мы вагаемся паміж жаданнем асімілявацца і прагай захаваць сваю беларускую ідэнтычнасць. Для гэтага ствараем ютуб-праекты, дзе расказваем пра гісторыю і культуру Беларусі, ладзім “Кніжныя магістраты”, святкуем Дзень Волі. І марым… Альбо не марым, а проста жывём у век пераменаў.

Чаму не заўсёды добра жыць у часы пераменаў, а беларусам — дык асабліва? Ці не ператвараемся мы паволі, жывучы далёка ад Бацькаўшчыны, у здраднікаў сваёй беларускасці і як у захаванні ідэнтычнасці дапамогуць ютуб-праекты і “Кніжны магістрат”? Што такое “літвінізм”, ці ён існуе і як перамагчы расейшчыну? На гэтыя ды іншыя пытанні ў эфіры Еўрарадыё адказвае гісторык, вядоўца гістарычнага ютуб-канала “Вусы Скарыны”, грамадскі актывіст Цімафей Акудовіч у 14:00.