Пад Оршай расійскія сілавікі пастралялі адзін аднаго — СМІ

Перастрэлка паміж расійскімі сілавікамі адбылася зранку 26 траўня пад Оршай. Ёсць загінулы.

Як піша выданне Orsha.eu, здарэнне адбылося на Аршанскім скрыжаванні — гэта скрыжаванне трасы М1 і Е95. Зранку ў панядзелак туды двое расійскіх сілавікоў. Абодва яны займалі высокія пасады ў праваахоўных органах: адзін — маёр паліцыі, другі — падпалкоўнік.

Прычына канфлікту паміж імі невядомая. Але ў абодвух аказаліся траўматычныя пісталеты, якімі паліцыянты скарысталіся. Адзін з іх выявіўся больш трапным і забіў свайго саперніка.

Забойцу затрымалі на месцы трагедыі. 

Як паведамляе прэс-служба МУС, забітаму 45 гадоў, яго забойцу — 41 год.