Надвор'е: цёпла да аўторка, потым вернуцца замаразкі і нават завеі
Першая прыкмета надыходзячай вясны / Еўрарадыё
Да канца наступнага тыдня ў Беларусь вернуцца начныя замаразкі, паведамляюць сіноптыкі. Пахаладанне пачнецца ўжо з аўторка. Высокія для сакавіка тэмпературы і яркае сонца зменяцца на больш тыповыя для гэтай пары года ўмовы надвор'я.
10–11 сакавіка ў Беларусі яшчэ чакаецца 11–12 градусаў цяпла, 13-га чысла будзе ўжо +8°C. А ў пятніцу і выхадныя дзённая тэмпература панізіцца да +2–3°C, ноччу будзе да -2°C.
Суправаджацца зніжэнне тэмпературы будзе дажджамі, мокрым снегам і нават завеямі.
Па словах сіноптыка Дзмітрыя Рабава, надвор'е ў сакавіку можна параўнаць з барацьбой паміж цяплом і холадам. Сярэднямесячная тэмпература паветра ў першым вясновым месяцы будзе на 1–1,5°C вышэйшай за кліматычную норму.
