На целе ўкраінскага палоннага расіяне выпалілі надпіс "Слава Расіі"

Фотаздымак вайскоўца, на целе якога выпалілі надпіс "Слава Расіі", з'яўляецца сапраўдным. Гэта фота абаронцы, які вярнуўся ва Украіну падчас папярэдніх абменаў. Пра гэта ў тэлеэфіры сказаў прадстаўнік Галоўнага ўпраўлення разведкі Мінабароны Андрэй Юсаў, перадае hromadske.ua.

Фатаздымак, зроблены выданнем Clash Report, шырока распаўсюдзіўся ў сацсетках. На ім відаць, што цела вайскоўца, вызваленага з палону, пакрываюць шматлікія шнары. Сярод іх добра бачны надпіс "Слава Расіі".

Прадстаўнік ГУР сказаў, што фота зрабіў доктар падчас агляду былога палоннага ў адным з рэгіянальных медцэнтраў: "На жаль, гэта сапраўдная фатаграфія. Гэта з аднаго з папярэдніх абменаў. Лекар падчас агляду ў адным з рэгіянальных цэнтраў, дзе хлопцы праходзяць рэабілітацыю, проста не вытрымаў, сфатаграфаваў гэта і выклаў у сеціва".

Таксама юсаў паведаміў, што 90% апытаных украінскіх вайскоўцаў, вызваленых з расійскага палону, кажуць пра парушэнне ўмоваў утрымання, неабходных стандартаў харчавання і медазабеспячэння. Акрамя таго, у палонных падчас абмену фіксуюць крытычную страту вагі, што бачна і няўзброеным вокам.