На 2 красавіка сіноптыкі ў Беларусі абвясцілі аранжавы ўзровень небяспекі
У суботу, 2 красавіка, у Беларусі чакаецца пераважна воблачнае надвор'е, паведамляе Белгідрамет.
Сіноптыкі абвясцілі аранжавы ўзровень небяспекі: па большай частцы тэрыторыі пройдуць ападкі — снег, мокры снег, па паўднёвым усходзе з дажджом. Па поўдні краіны прагназуюцца моцныя ападкі. Вецер будзе паўночна-заходні парывісты, месцамі моцны парывісты.
Уначы тэрмометры пакажуць ад 5 марозу па паўночным захадзе да 3 цяпла па паўднёвым усходзе. Удзень чакаецца 0...+6.
