Мужчына пасварыўся з жонкай і вывесіў на акно БЧБ-сцяг, каб яе асудзілі

У Кобрыне мужчына пасварыўся з жонкай і вывесіў на акно БЧБ-сцяг, каб яе асудзілі, але ў выніку сам апынуўся за кратамі. Пра кур’ёзны выпадак пішуць праваабаронцы.

Паведамляецца, што ўвечары 2 ліпеня ў райцэнтры Брэсцкай вобласці затрымалі мясцовага жыхара па “скарзе неабыякавага грамадзяніна” — на БЧБ у акне. На судзе мужчына растлумачыў, што палаяўся з жонкай, таму размясціў аркуш паперы бел-чырвона-белага колеру, каб яе прыцягнулі да адміністрацыйнай адказнасці. Але замест жонкі міліцыянты затрымалі яго самога. 

За “несанкцыянаванае пікетаванне” мужчыну асудзілі на 10 сутак арышту.