МУС Украіны звольніць 585 міліцыянераў з Данецка
Пра гэта напісаў у Facebook міністр унутраных спраў Арсен Авакаў.
На сённяшні дзень ужо завершаны першы этап праверкі данецкай міліцыі на вернасць прысязе і службе Украіне. 585 чалавек звольненыя з органаў унутраных спраў, супраць большасці з іх распачнуць крымінальныя справы. Дадатковая праверка праводзіцца яшчэ па 242 міліцыянерах, якія "працяглы час знаходзяцца на бальнічным".
Авакаў адзначае, што пры такой масавай здрадзе і ганебных паводзінах у Данецкай ды Луганскай абласцях ёсць і сумленныя праваахоўнікі, якія служаць Украіне, абараняюць людзей.
Фота — Facebook
