Моцныя залевы і град — сіноптыкі абвясцілі на чацвер аранжавы ўзровень небяспекі
Дождж, ілюстрацыйнае фота / pexels.com
У чацвер, 5 чэрвеня, у Беларусі прагназуецца пераменная воблачнасць, паведамляе Белгідрамет.
Уначы будзе без ападкаў. А ўдзень на большай частцы тэрыторыі краіны чакаюцца кароткачасовыя дажджы і навальніцы, у асобных раёнах — моцныя залевы і град. Вецер будзе паўднёвы — ад слабога да ўмеранага. Аднак пры навальніцах месцамі прагназуецца шквалістае ўзмацненне ветру парывамі да 15-20 метраў за секунду. У тым ліку навальніца са шквалістым ветрам чакаецца ў Мінску.
Сіноптыкі абвясцілі на чацвер аранжавы ўзровень небяспекі.
Тэрмометры ўначы пакажуць 10-15 градусаў са знакам "плюс", у заходніх раёнах краіны будзе 16-18 градусаў цяпла. Удзень паветра прагрэецца да +24...+29, па поўдні Беларусі месцамі прагназуецца 31 градус вышэй за нуль.
