Крымінальны пераслед Андрэя Саннікава мусіць быць спынены
З такім хадайніцтвам 25 сакавіка звярнуліся адвакаты экс-кандыдата Марына Кавалеўская і Андрэй Варвашэвіч да пракурора Мінска.
Акрамя таго, адвакаты хадайнічаюць і аб змяненні меры стрымання ў выглядзе змяшчэння пад варту на больш мяккую. Змест хадайніцтваў не можа быць раскрыты ў сувязі з тым, што можа складаць таямніцу следства, паведамляе "Хартыя'97".
Нагадаем, у той жа дзень следчыя органы выставілі Саннікаву абвінавачванне ў арганізацыі масавых беспарадкаў.
