Гродзенскія спявачкі пераапрануліся ў багінь дзеля хакейнай зборнай (фота)
У Гродне тры багіні Нікі заспявалі для зборнай Беларусі па хакеі.
У калясніцы на двух чорных конях дзяўчаты пракаціліся па цэнтральнай плошчы горада.
Стыліст групы "17 секунд" пастаралася з вобразамі: артысткі былі ў пазалоце, з лаўровымі вянкамі і ў касцюмах часоў старажытнай Грэцыі.
Акцыю яны зладзілі ў гонар чэмпіянату свету па хакеі ў Мінску. Сваім выступам дзячаты хацелі выказаць падтрымку беларускай зборнай. Для гэтага поп-гурт адмыслова перарабіў словы адной са сваіх песень.
Арганізатары лічаць, што акцыя дапаможа ўзняць патрыятычны дух беларусаў. Дарэчы, прайшла яна ў рамках падтрымкі Гродна як культурнай сталіцы Беларусі-2014.
