Фірма Yukon на словах падтрымала Украіну, але працягнула пастаўкі оптыкі ў Расію
Прыцэл Pulsar / premium-optics.ru
Літоўская кампанія Yukon на словах падтрымала Украіну. Але на справе працягнула пастаўляць оптыку і цеплавізары расійскім вайскоўцам. Гэта вынікае з сумеснага расследавання LRT і Scanner project.
Частку заказаў выконваў завод, размешчаны ў Беларусі.
Yukon — літтоўская фірма з беларускімі каранямі. Яна была створаная ў Беларусі напрыканцы 90-х, а з 2005 года мае цэнтр у Вільні: там размяшчаюцца канструктарскае бюро, зборачная вытворчасць і галаўны офіс. Сем даччыных кампаній зарэгістраваныя ў Вялікабрытаніі, Латвіі, Украіне, Кітаі, Расіі ды Беларусі.
