Джэф Плат не ведае, ці працягне выступаць за беларускую зборную
Хакеіст Джэф Плат не ведае, ці будзе ён надалей выступаць за нацыянальную зборную Беларусі. Пра гэта ён заявіў пасля нядзельнай паразы ад зборнай Славеніі, піша "Прессбол".
У матчы 4 верасня за пуцёўку на зімовую Алімпіяду-2018 зборная Беларусі па булітах саступіла камандзе Славеніі (2:3). Такім чынам, беларускія хакеісты прапускаюць другую запар Алімпіяду. Дарэчы, на папярэднія Гульні нашай зборнай перашкодзілі трапіць таксама славенцы.
31-гадовы Джэф Плат мае канадскае паходжанне, але з лютага 2012 года з'яўляецца беларускім грамадзянінам. Форвард не ўпэўнены, што хоча надалей гуляць за зборную Беларусі: "Мне давалі пашпарт дзеля выступу на Алімпійскіх гульнях. Зараз я вельмі моцна расчараваны".
