Для эвакуацыі людзей з Афганістана ЗША прыцягнуць прыватныя авіякампаніі
Грамадзянская авіяцыя ЗША / United Airlines
Улады ЗША збіраюцца прыцягнуць да эвакуацыі з Афганістана самалёты прыватных авіякампаній. Плануецца прыцягнуць каля 20 самалётаў.
Пры гэтым задзейнічаныя ў эвакуацыі грамадзянскія самалёты не будуць ажыццяўляць рэйсы менавіта ў сам Афганістан, паведамляе The New York Times.
Яны будуць перавозіць людзей з баз ЗША ў Катары, Бахрэйне і Германіі, куды іх дастаўляюць з Афганістана. Цяпер на гэтыя базы прыбываюць тысячы людзей з захопленай "Талібанам" краіны. Куды іх будуць вывозіць з ваенных баз — не паведамляецца.
Цяпер каля аэрапорта ў Кабуле сабраліся тысячы жадаючых пакінуць краіну.
