Абвешчаны тэндэры на першыя работы па будаўніцтве чыгуначнай галіны ў “Мінск-2”
У 2025 годзе павінны пачацца падрыхтоўчыя работы / Колодищи.Инфо
На сайце дзяржзакупак з’явіліся тэндары на выкананне падрыхтоўчых работ для будаўніцтва бесперапыннай чыгуначнай галіны да Нацыянальнага аэрапорта Мінск. Работы павінны пачацца ў 2025 годзе. Першы тэндар абвешчаны на выкананне работ па высечцы і перасадцы дрэў, а другі — на выбар субпадраднай арганізацыі для пераносу сетак газазабеспячэння.
Мяркуецца, што чыгунка пройдзе па існым маршруце ад станцыі “Мінск-Пасажырскі” да станцыі “Гарадзішча”, пасля якой у бок аэрапорта дабудуюць 18 кіламетраў новых шляхоў.
Працягласць маршруту складзе 41,8 кіламетра, а арыенціровачны час у дарозе — каля 30 хвілін.
Нагадаем, што ўпершыню пра гэтую галіну заявіў Аляксандр Лукашэнка, адкрываючы ў 2019 годзе другую ўзлётна-пасадачную паласу ў “Мінск-2”.
Адкрытым застаецца пытанне, якія цягнікі будуць хадзіць па новай галіне. Электрацягнікі “Штадлер” у Беларусі выводзяцца з эксплуатацыі з-за немагчымасці іх рамантаваць.
