За захопленага дэпутата патрабуюць выкуп мяхамі з пяском
У Краматорску (Данецкая вобласць) узброеныя людзі захапілі дэпутата гарсавета Сяргея Шацкага. Яго гатовыя абмяняць на мяхі з пяском.
Шацкі з'яўляецца дырэктарам Краматорскага трамвайна-тралейбуснага ўпраўлення. Да яго прыбылі ўзброеныя людзі і запатрабавалі даць ім грузавы транспарт упраўлення, паведамляе УНІАН.
Калі высветлілася, што гэтыя аўтамашыны не ў працоўным стане, візіцёры забралі Шацкага з сабой у выканкам. За яго вызваленне патрабуюць некалькі дзясяткаў мяхоў з пяском.
За нядзелю работнікі трамвайна-тралейбуснага ўпраўлення не толькі сабралі мяхі, але і адправілі іх захопнікам. Аднак тыя закладніка не выпусцілі.
Фота — Kramatorsk.INFO
