За хабар затрыманыя яшчэ тры функцыянеры Беларускай чыгункі
Затрыманне менеджара Беларускай чыгункі / МУС
Яшчэ трох менеджараў беларускай чыгункі затрымалі байцы ГУБАЗіК. Іх падазраюць у атрыманні хабару, паведамляе прэс-служба МУС.
Гаворка ідзе пра падначаленых Пятра Дулуба — першага намесніка начальніка БЧ. Яго падазраюць у атрыманні хабараў на агульную суму да 3 мільёнаў долараў.
Дулуба затрымалі на пачатку чэрвеня 2024 года. Паведамлялася, што тады ён атрымаў хабар 370 тысяч долараў. Сцвярджалася, што топ-менеджар стварыў і курыраваў "карупцыйную схему".
Яго падначаленых затрымалі пад канец 2024-га пры атрыманні хабару. "Гаворка пра начальніка службы перавозак БЧ, яго намесніка — начальніка Цэнтра кіравання перавозкамі — і першага намесніка начальніка цэнтра", — заяўляюць у МУС.
На мужчын пачалі крымінальныя справу. Падазраваных змясцілі ў СІЗА.
Следства мяркуе, што цягам трох гадоў яны прымалі грошы ад прадстаўнікоў камерцыйных структур. За гэта яны выдзялялі бізнесоўцам вагоны БЧ. "Сума атрыманых узнагароджанняў вылічваецца ў дзясятках тысяч рублёў", — удакладняюць у МУС.
