Вызначыліся ўсе пары чвэрцьфіналістаў у футбольнай Лізе чэмпіёнаў

12 сакавіка пасля апошніх гульняў 1/8 фіналу футбольнай Лігі чэмпіёнаў сталі вядомыя ўсе чвэрцьфіналісты турніру.

Мадрыдскі клуб "Атлетыка" ўзяў рэванш у землякоў з "Рэала" — 1:0 і зраўняў лік па суме дзвюх сустрэч. Пераможцу давялося вызначаць у серыі пенальці, дзе "Рэал" паказаў сябе лепшым — 4:2.

У чвэрцьфінал выйшаў таксама лонданскі "Арсенал". Клуб згуляў з нідэрландскім ПСВ унічыю — 2:2, але ў першай сустрэчы атрымаў перамогу з лікам 7:1.

"Астан Віла" з лёгкасцю паўторна перамагла бельгійскі "Бруге" — 3:0. Першая сустрэча клубаў завяршылася з лікам 3:1 на карысць прадстаўнікоў Англійскай прэм'ер-лігі.

"Барусія" выйграла ў французскага "Ліля" — 2:1. Першы матч каманды завяршылі ўнічыю — 1:1.

У чвэрцьфіналах згуляюць наступныя пары: "Арсенал" (Англія) — "Рэал" (Іспанія), "Баварыя" (Германія) — "Інтэр" (Італія), ПСЖ (Францыя) — "Астан Віла" (Англія), "Барселона" (Іспанія) — "Барусія" (Германія).

Чвэрцьфінальныя матчы адбудуцца 8-9 і 15-16 красавіка, паўфіналы — 29-30 красавіка і 6-7 траўня. Фінальная гульня 70-й Лігі чэмпіёнаў пройдзе 31 траўня ў Мюнхене.