Вызначыліся першыя чвэрцьфіналісты футбольнай Лігі чэмпіёнаў

12 сакавіка пасля матчаў у адказ у футбольнай Лізе чэмпіёнаў вызначыліся першыя ўдзельнікі чвэрцьфіналу. Імі сталі "Баварыя", "Барселона", ПСЖ ды "Інтэр".

Футбалісты мюнхенскай "Баварыі" выйгралі ў яшчэ аднаго нямецкага клуба — "Баера" з лікам 2:0. У першым матчы "Баварыя" таксама святкавала перамогу — 3:0.

Англійскі "Ліверпуль" ў хатнім матчы саступіў французскаму "Пары Сен-Жэрмен" у серыі пенальці і выбыў за далейшага розыгрышу. У Парыжы "Ліверпуль" выйграў з лікам 1:0, а ў гасцях парыжане ўзялі рэванш з такім жа вынікам. Авертайм завяршыўся без галоў, а ў серыі пенальці французскія футбалісты былі мацнейшыя — 4:1.

Іспанская "Барселона" на сваім полі перамагла партугальскую "Бенфіку" — 3:1. У першай сустрэчы "Барселона" таксама адзначала вікторыю — 1:0.

Міланскі "Інтэр" атрымаў дома другую перамогу над нідэрландскім "Фееноордам" — 2:1. У Ратэрдаме міланцы перамаглі з вынікам 2:0.

Астатнія чвэрцьфіналісты Лігі чэмпіёнаў стануць вядомыя сёння позна ўвечары.