Украінскія вайскоўцы ўзялі ў аблогу Марыупаль
Па звестках мясцовых журналістаў, у горадзе шмат баевікоў, так званых "кадыраўцаў", а таксама тэрарыстаў, перакінутых са Славянска.
Украінскія вайскоўцы рыхтуюцца выбіць баевікоў з Марыупаля. Аднак мясцовыя сілавікі ўгаворваюць не пачынаць актыўную фазу аперацыі. Пра гэта паведамляе news.liga.net са спасылкай на мясцовую журналістку Таццяну Ігнатчанку.
Па яе словах, баевікі зладзілі склады ў некалькіх раёнах Марыупаля. Але горад працуе ў штатным рэжыме.
Зранку 9 чэрвеня камандзір дабравольніцкага батальёна тэрытарыяльнай абароны "Данбас" Сямён Сяменчанка пацвердзіў, што цяпер у Марыупалі на Данеччыне праводзіцца спецаперацыя.
Фота — news.liga.net
