У Мінску будзе больш веладарожак на праезжай частцы
Пакуль у сталіцы толькі два такія ўчасткі / Скриншот видео
У 2025 годзе ў Мінску плануецца зрабіць веладарожку на праезжай частцы па вуліцы Старажоўскай, паведамілі ў ДАІ Мінска. Таксама прапрацоўваюцца іншыя ўчасткі.
Пакуль у Мінску ўсяго два месцы, дзе веласіпедысты могуць выязджаць на дарогу: дарожка каля Камароўскага рынка і на вуліцы Нававіленская ў напрамку да Арлоўскай.
У той жа час плануецца выдзеліць веладарожку і на тратуарах Мінска. Такая схема цяпер прарабляецца па Партызанскім праспекце, па Даўгінаўскім тракце і яшчэ каля сямі ўчасткаў, паведаміла дырэктар мінскага гарадскога вучэбна-метадычнага цэнтру фізічнага выхавання насельніцтва Ірына Альхоўская.
Працягласць веласіпедных шляхоў у Мінску — больш за 330 кіламетраў, актыўных веласіпедыстаў — каля 800 000 чалавек.
Мінскія ўлады хочуць аб’яднаць усе гарадскія маршруты ў адну сетку.
