У Глыбокім прайшла акцыя ў падтрымку пацярпелых японцаў (фота)
Яна была арганізаваная з дапамогай сацыяльных сетак, дзе анансавалася за некалькі дзён да правядзення.
На цэнтральнай плошчы горада сабралася каля двух дзесяткаў чалавек. Яны апранулі на твары маскі з выявай японскага сцяга і раздавалі мінакам улёткі з заклікам аказаць дапамогу пацярпелым ад землятрусу ў Японіі. Ва ўлётцы быў пазначаны нумар рахунку, на які можна было пералічыць сродкі пацярпелым ад прыроднай катастрофы.
Маладзёны паабяцалі ладзіць падобныя акцыі і надалей.
