У Данецку загінуў спецназавец з Расіі (фота)
21-гадовы Аляксей Юрын служыў у 45-м палку спецназа расійскіх Паветрана-дэсантных войскаў.
Ён быў забіты 26 траўня падчас боя каля данецкага аэрапорта. Тады ўкраінская авіяцыя неспадзявана для баевікоў атакавала іх пазіцыі, неўзабаве высадзіўся дэсант, які "зачысціў" тэрыторыю. Страты прарасійскіх узброеных фармаванняў склалі да 100 чалавек забітымі. Сярод іх быў і інструктар з элітнага цэнтра ФСБ Расіі Сяргей Ждановіч.
Як інфармуе сайт InfoResist, Юрын — грамадзянін Расіі, жыхар горада Мажайск Маскоўскай вобласці. У пацверджанне змяшчаецца фота забітага, які сапраўды вельмі падобны на расійскага дэсантніка. Гэтыя здымкі можна пабачыць тут.
