У Брэсце на праваслаўнае Раство на клумбах распусціліся кветкі (фота)
На сонцы ў зацішку расцвіла жоўтая календула. Распускаюцца пазасталыя з восені бутоны мальвы.
Звыкла рэагуе на зімовае цяпло набуханнем пупышак бэз. Заўважаныя былі і "коцікі" на вярбе — верная прыкмета вясны.
Аднак сіноптыкі прагназуюць, што цёплае надвор’е — да 7 градусаў цяпла днём — пратрымаецца да 10 студзеня. У другой дэкадзе месяца пахаладае да мінусавых тэмператур. Так што заўчасныя студзеньскія кветкі ды зялёныя пупышкі на кустах пройдуць праз выпрабаванне марозам.
