"Тарпеда-БелАЗ" разграміла "Мінск", БАТЭ ўпершыню дома прапусціў 5 мячоў
14 чэрвеня адбыліся тры матчы ў Вышэйшай лізе / БАТЭ
У Мінску матчам "гараджан" супраць "Тарпеда-БелАЗ" распачаўся другі дзень 12-га тура чэмпіянату Беларусі па футболе. "Аўтазаводцы" разграмілі "Мінск" з лікам 5:1.
У Слуцку мінскае "Дынама" з мінімальнай перавагай — 0:1 — перамагло мясцовы "цукровы" клуб.
У Барысаве "Нёман" знішчыў БАТЭ з лікам 5:1. Барысаўчане раней ніколі не прапускалі столькі мячоў у хатніх гульнях чэмпіянату Беларусі ў Вышэйшай лізе. У 2004 годзе ад "Шахцёра" таксама было пяць мячоў, але тады на стадыёне ў Салігорску.
15 чэрвеня 12-ы тур завершыцца яшчэ трыма сустрэчамі:
"Нафтан" — "Славія"
"Іслач" — "МЛ Віцебск"
"Віцебск" — "Смаргонь"
