СМІ: Вудкрафт можа сысці з мінскага “Дынама” і працаўладкавацца ў Швейцарыі

Галоўны трэнер мінскага “Дынама” Крэйг Вудкрафт можа працаўладкавацца ў Швейцарыі, узначаліць каманду “Жэнева-Сервет” (у мінулым сезоне яна заняла 6-е месца ў рэгулярным чэмпіянаце Швейцарыі, у плэй-оф дайшла толькі да ¼ фіналу). Пра гэта паведаміла швейцарскае выданне Tribune de Geneve, якое спасылаецца на свае крыніцы, блізкія да клуба. У самой “Жэнева-Сервет” журналісты каментароў атрымаць не змаглі. Выданне піша, што Вудкрафт “добра ведае еўрапейскі хакей”.

Крэйгу Вудкрафту 57 гадоў. Ён — канадскі спецыяліст. Галоўным трэнерам мінскага “Дынама” з’яўляецца з 2016 года. У мінулым сезоне каманда заняла 5-е месца ў Заходняй канферэнцыі, з плэй-оф выбыла ўжо на першым этапе. Кантракт у Вудкрафта з “Дынама” разлічаны да 2019 года. Аднак у цяперашняй сітуацыі ўсё магчыма. Як вядома, дынамаўцы цяпер будуць камплектавацца амаль выключна беларусамі. Магчыма, гэты працэс закране і трэнерскі штаб.