Змітра Бандарэнку, верагодна, завезлі ў турму на вуліцы Валадарскага
Палітвязень, хутчэй за ўсё, знаходзіцца ў следчым ізалятары МУС па вуліцы Валадарскага ў Мінску.
Пра гэта агенцтву БелаПАН паведаміла жонка палітыка Вольга. Па яе словах, адвакат палітыка з'ездзіў у СІЗА, дзе яму выпісалі ордар на сустрэчу з Бандарэнкам.
Нагадаем, сёння зранку палітвязня даставілі ў 5-ю клінічную лякарню Мінску. 26 ліпеня яго мусілі там апераваць. Але ахову напалохала вялікая колькасць людзей, якія прыйшлі да лякарні, каб падтрымаць Бандарэнку. Таму невядомыя людзі ў цывільным вывезлі палітвязня з лякарні.
Бандарэнка асуджаны на два гады пазбаўлення волі па "справе 19 снежня". За кратамі ў яго рэзка пагоршала здароўе.
