За красавік беларусы атрымалі заробку на 1,7% больш, чым за сакавік
А страцілі праз дэвальвацыю каля 55%. У пачатку траўня беларусам налічылі ў сярэднім 1 мільён 563 тысячы 400 рублёў заробку. На сёння гэта 317 долараў.
Сярэдні заробак працаўнікоў у Беларусі за красавік 2011 г. склаў 1 мільён 563 тысячы 400 рублёў. У параўнанні з сакавіцкім заробкам ён павялічыўся на 1,7%, ці на 26 тысяч 200 рублёў, паведамляе Нацыянальны статыстычны камітэт.
Нагадаем, 23 траўня Нацбанк Беларусі правёў карэкцыю курса беларускага рубля ў дачыненні да замежных валютаў. У той час, як заробак узрос на 1,7%, долар падаражэў на 55% — да 4 тысяч 930 рублёў.
