Вобшук у кватэры Яўгена Ліпковіча
Блогера правяраюць на датычнасць да злачынства, прадугледжанага арт. 370 Крымінальнага кодэкса: "Знявага дзяржаўных сімвалаў".
Ператрус пачаўся прыкладна ў 17:20. Па словах відавочцаў, ён праходзіць вельмі карэктна: ні "маскі-шоў", ні аўтаматаў у кватэры Яўгена Ліпковіча няма.
Вобшук праводзяць міліцыянты. Яўген Ліпковіч добраахвотна "здаў" ім свой кампутар. Ён патлумачыў, што той не з'яўляўся інструментам, з дапамогай якога было здзейсненае злачынства. Але кампутар усё роўна забралі.
Як паведаміла ў эфіры Еўрарадыё Дар'я Каткоўская, якая прысутнічала пры ператрусе ў якасці панятой, дачка Яўгена Ліпковіча ў часе вобшука была ў сяброў і таму не перанесла псіхалагічнага стрэсу.
