У "Белавія" з'явяцца два новыя самалёты
Абсалютна новых самалётаў Беларусь не закупляла з сярэдзіны 80-х гадоў мінулага стагоддзя.
Як паведаміў міністр транспарту Іван Шчэрба, яго ведамства плануе купіць два новыя самалёты ў Бразіліі. Гэта будуць самалёты сярэдняй далёкасці, у кожным можа змяшчацца 70 пасажыраў. Кожны з самалётаў будзе каштаваць Беларусі каля 50 мільёнаў долараў.
Раней паведамлялася, што новымі набыткамі "Белавія" стануць самалёт Embraer-175.
Па словах міністра, разглядаецца магчымасць набыць сёлета яшчэ некалькі самалётаў, але на іх пакуль няма грошай. Магчыма, кажа Шчэрба, дадатковыя самалёты возьмуць на ўмовах лізінгу.
