У Беларусі могуць скараціць на месяц школьныя вакацыі
У нашай краіне яны занадта працяглыя. Такое меркаванне выказаў першы намеснік міністра адукацыі Аляксандр Жук.
Ён нагадаў, што ў той жа Нямеччыне летнія вакацыі складаюць каля 6 тыдняў, а ў Беларусі — тры месяцы.
"Узнікае пытанне: як правесці гэтае лета дзецям? — цытуе словы Аляксандра Жука БЕЛТА. — Калі мы можам арганізаваць сёння аздараўленне на працягу месяца, то ў пазасталыя два месяцы бацькі заклапочаныя знаходжаннем дзяцей на вуліцах. Таму над гэтым пытаннем варта падумаць".
Фота — Еўрарадыё
