Сёння — Дзень Волі
Гэта традыцыйнае свята, якое адзначаецца ў гонар абвяшчэння незалежнасці Беларускай Народнай Рэспублікі.
25 сакавіка 1918 года Рада БНР прыняла Трэцюю Устаўную грамату. Менавіта гэты дакумент упершыню абвяшчаў незалежнасць Беларусі.
У міжваенны перыяд гэтае свята ўрачыста адзначалася ў Заходняй Беларусі. Па вайне яго больш святкавалі ў эміграцыйных колах. У БССР яго таемна святкавалі нешматлікія дысідэнты.
Адрадзілася святкаванне Дня Волі на мяжы 80-90-х гадоў мінулага стагоддзя. Ад пачатку 1990-х гадоў у Мінску ды іншых гарадах Беларусі ў гэты дзень сталі ладзіцца палітычныя акцыі, мітынгі, шэсці.
Фота — dzedzich.org
