Сёння будзе абвешчаны прысуд Статкевічу і Усу
Апроч іх, выракі вынесуць іншым удзельнікам Плошчы, якіх таксама судзяць у судзе Ленінскага раёну сталіцы.
Разам з двума экс-кандыдатамі Міколам Статкевічам і Дзмітрыем Усам на лаве падсудных апынуліся Андрэй Пазняк, Аляксандр Класкоўскі-малодшы, Аляксандр Квяткевіч, Арцём Грыбкоў і Дзмітрый Буланаў.
Пракурор Кірыл Чубкавец просіць пакараць абвінавачаных калоніяй ўзмоцненага рэжыму, тэрмінамі ад 4 да 8,5 год. Так, для Міколы Статкевіча абвінаваўца патрабуе 8 год, для Дзмітрыя Уса — 7.
Нагадаем, што прысуд павінны былі абвясціць яшчэ 20 траўня, але гэтага не адбылося праз раптоўную хваробу суддзі. Таму вырак зачытаюць сёння, а 14.00.
