На Гомельшчыне сёння чакаюць трапічную спякоту
Сіноптыкі зрабілі штармавое папярэджанне, бо тэмпература дасягне 36 градусаў.
Па іх словах, якія перадае interfax.by, сёння на тэрыторыю Беларусі будзе ісці гарачае трапічнае паветра. Найбольш яно закране паўднёвы ўсход краіны.
Дарэчы, 7 жніўня на большай частцы Беларусі чакаюцца навальніцы, месцамі моцныя залевы. Пры навальніцах месцамі чакаецца шквалістае ўзмацненне ветру парывамі 15-20 м/с, удзень па ўсходзе — да 24 м/с, у асобных раёнах град.
Аднак ужо ў чацвер, 9 жніўня, надвор'е ў Беларусі будзе фармаваць атмасферны фронт і няўстойлівае вільготнае паветра з Балтыйскага мора.
Фота — belal.minsk.by
