Міністр юстыцыі абяцае вызваліць беларусаў, асуджаных у Лівіі
Дзеля гэтага Беларусь выкарыстае ўсе магчымыя дыпламатычныя сродкі.
Пра гэта міністр юстыцыі Алег Сліжэўскі заявіў падчас онлайн-канферэнцыі на сайце БЕЛТА.
Нагадаем, у Лівіі на 10 гадоў турмы асудзілі чатырох беларусаў. Іх звінавацілі ў вайсковай супрацы з рэжымам Муамара Кадафі. Нашы суайчыннікі, аднак, заяўляюць, што падпісвалі кантракты на грамадзянскія працы.
Па словах Сліжэўскага, паміж Беларуссю і Лівіяй няма міжнародных дамоваў у прававой сферы, і супрацоўніцтва будуецца на аснове ўсталяваных дыпламатычных адносін. Таму для вызвалення беларусаў ўжываюцца дыпламатычныя сродкі.
Фота — ctv.by
