Два гады таму загінуў Алег Бябенін
Заснавальніка сайта charter97.org знайшлі павешаным 3 верасня 2010 года на яго лецішчы пад Мінскам.
Праваахоўнікі тады амаль адразу заявілі, што гэта самагубства. Аднак ніякай запіскі знойдзена не было. У сяброў журналіста было шмат іншых пытанняў, на якія не дало адказу следства. Таму дагэтуль пішуць, што Бябенін загінуў "пры нявысветленых абставінах".
Алег Бябенін нарадзіўся ў 1974 годзе ў Расіі. Працаваў у незалежнай прэсе ў Беларусі ад пачатку 1990-х. Быў намеснікам галоўнага рэдактара газеты “Имя”, адным з заснавальнікаў грамадзянскай ініцыятывы "Хартыя-97" і заснавальнікам папулярнага сайта charter97.org.
