Дуня Міятавіч: Не фэйсбук робіць рэвалюцыі, а народ
Гаворачы пра “рэвалюцыю фэйсбуку”, улады перабольшаваюць магчымасці інтэрнэту. Рэвалюцыі робяць рэальныя людзі, а не сацыяльныя сеткі.
Так прадстаўнік АБСЕ па пытаннях свабоды слова Дуня Міятавіч пракаментавала страх беларускіх уладаў перад сацыяльнымі сеткамі. Яе выступ прагучаў на 18-й сесіі Савета міністраў АБСЕ.
Дуня Міятавіч: “Моц інтэрнэту часам перабольшваецца. Я не думаю, што інтэрнэт прыводзіць да рэвалюцый — іх робіць народ. Ён з’яўляецца крыніцай рэвалюцый, і ён выкарыстоўвае тэхніку. Падчас Французскай рэвалюцыі інтэрнэту не было! Таму не трэба перабольшваць магчымасці інтэрнэту. Некаторыя палітыкі спрабуюць казаць аб “рэвалюцыі фэйсбуку”. Гэта не рэвалюцыя фэйсбуку, а рэвалюцыя людзей”.
Міятавіч адзначыла, што сёння назвычай важнае пытанне абароны свабоды СМІ. Але яшчэ больш актуальным стала пытанне абароны блогераў ад незадаволенасці ўладаў і розных пераследаў.
