Беларус абскарджвае рашэнне польскай пракуратуры
Ігар Шчакарэвіч незадаволены забаронай ужываць бел-чырвона-белы сцяг на спартовых мерапрыемствах у Польшчы.
Ён накіраваў апеляцыю на адпаведнае рашэнне польскай пракуратуры. Нагадаем, што пракуратура прызнала правамоцным сілавыя метады аховы супраць беларускіх заўзятараў пад бел-чырвона-белымі сцягамі.
Інцыдэнт здарыўся 25 чэрвеня на матчы Беларусь—Літва чэмпіянату Еўропы па баскетболе сярод жанчын у польскім Быдгашчы. Служба аховы стадыёну, дзе праходзіла гульня, перашкаджала групе беларускіх заўзятараў разгарнуць бел-чырвона-белыя сцягі. А потым ахова проста груба выдаліла беларусаў са стадыёну.
