Мама Мікіты Ліхавіда: Ён усё пройдзе годна
"Такое ўражанне, што рашэнне было прынятае загадзя. Суддзя, напэўна, проста спалохалася даць апраўдальны прысуд".
Так пракаментавала ў эфіры Еўрарадыё прысуд суда Партызанскага раёна Мінска мама Мікіты Ліхавіда.
"Маё дзіця вінаватае толькі ў тым, што не мае расійскага пашпарта", — лічыць яна, маючы на ўвазе "мяккія" прысуды, вынесеныя па аналагічных абвінавачаннях расіянам Брэусу і Гапонаву.
Мама Мікіты спадзяецца атрымаць заўтра спатканне з сынам. "Мікіта ўсё пройдзе годна", — кажа яна.
