Кіраўнік МЗС Швецыі аб сітуацыі ў Беларусі: жудасна і непрымальна
Ан Ліндэ і Святлана Ціханоўская / МЗС Швецыі
Міністр замежных спраў Швецыі Ан Ліндэ выказалася аб сітуацыі ў Беларусі.
Як перадае ETC, галоўнай мэтай яна называе свабодныя і сумленныя выбары. Таксама, упэўненая Ліндэ, Аляксандр Лукашэнка павінен быць прыцягнуты да адказнасці за гвалт у дачыненні да пратэстоўцаў.
"Гэта цалкам жудасна і непрымальна", — выказалася Ліндэ аб сітуацыі ў Беларусі.
Швецыя актыўна падтрымлівае дэмакратычныя сілы ў Беларусі. Раней Ліндэ ўжо сустракалася са Святланай Ціханоўскай для абмеркавання сітуацыі і магчымай дапамогі з боку афіцыйнага Стакгольма і ЕС.
У наступным годзе Швецыя прыме старшынства ў АБСЕ. У рамках арганізацыі запушчаны "маскоўскі механизм", які дазваляе правесці міжнародную ацэнку развіццю падзей і вынесці рэкамендацыі па рэагаванні для міжнароднай супольнасці.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
