Ісландыя правядзе рэферэндум аб уступленні ў Еўрасаюз
Ісландыя / Reuters
Ісландыя правядзе рэферэндум аб уступленні ў Еўрасаюз. Пра гэта паведаміла прэм'ер-міністр краіны Крыструн Фростадоўцір. Паводле яе слоў, рэферэндум можа прайсці да 2027 года.
Рашэнне ўладаў Ісландыі звязана са зменамі ў глабальнай бяспецы. Гэта і вайна ва Украіне, і рэзкая палітыка ЗША ў Арктыцы (уключна з заявамі прэзідэнта Дональда Трампа аб магчымай анэксіі Грэнландыі).
Паводле праведзеных апытанняў, амаль 2/3 ісландцаў падтрымліваюць правядзенне рэферэндуму. За ўступленне ў ЕС гатовыя прагаласаваць каля 45%.
Ісландыя ўжо ўваходзіць у Шэнгенскую зону і Еўрапейскую эканамічную зону. Яна раней належала Даніі і стала незалежнай краінай толькі ў 1944 годзе.
